Nú erum við að drífa okkur...

Það er komið að því, stóra austurlandaferðin byrjar á morgun. Við erum búin að fara í sprautur gegn alls konar lifrarsjúkdómum, steinsmugum og heilahimnubólgum, og það var ekkert ódýrt, 50 000 kall á mann að minnsta kosti. Malaríutöflur og flugnafælusprei er komið í bakpokann og íslenskar hausverkjatöflur gegn timburmönnum eru klárar. Basic. Peningamálin hafa hins vegar orðið umræðuefni undanfarna daga, ekki af því að ferðin var of dýr, en af því að maður veit ekki hvar geyma á peningana - ég meina, það er brjálæði að ferðast um allt Rússland ( minnist björgólfsfeðganna og mafíunnar) án " american bodyguards". Ef farið er með kort og dollara í sömu pyngju endar það með skelfingu. Maður verður rændur og kannski verra en það. Kannski verður maður svikinn...

Það sem eiginlega er aðalatriðið er hið svokallaða Gare-duNord-Syndrome, sem þekkt er úr kvikmyndum og bókmenntum síðari tíma. Það er óttinn við að missa ástvin sinn á opinberum stað og finna hann eða hana aldrei aftur. Vera skilin eða skilinn eftir fyrir utan einhverja járnbrautarstöð í l landi sem maður þekkir ekki, án passa, peninga og alls annars.. það er horror. Þetta kemur Kína sérstaklega við af því að við erum að fara til Kunming og þar er Gare-de-Sud - og þar eru málin ennþá verri.

Munið að hafa með ykkur áttavita, vasaljós, skauta, sjónvörp og bjórdósir...

Munið bara að Íslendingar eru alls staðar velkomnir 

Athugasemdir

[Nanna Katrín Kristjánsdóttir, 21.6.2007 kl. 00:34]

Heyrðu þið verðið ekkert rænd, svikin eða eitthvað enn verra.  Það verður engin ástvinur skilinn eftir á einhverri járnbrautastöð.  Þið eruð bara að fara upplifa eitthvað sem fáir fá og eigið eftir að búa að því það sem eftir er.  -sem er mjög vel og lengi

[Gróa Þórdís Þórðardóttir (IP-tala skráð) 21.6.2007 kl. 23:25]

Já við erum sammála Nönnu Katrínu.  Sigga Huld og Kristján þið eruð að fara í ævintýraferð og við vitum að þið standið saman og verðið ekki aðskilin. Takk fyrir frábært laugardagskvöld. Það var gaman að vera með ykkur. 

Kær kveðja, Gróa og Eddí